کراچی (نمائندہ خصوصی)ایم کیو ایم پاکستان کے سربراہ خالد مقبول صدیقی کا کہنا ہے کہ دھاندلی زدہ الیکشن کو کسی صورت قبول نہیں کریں گے۔کراچی میں پاکستان ہاوس میں مصطفی کمال، امین الحق، روف صدیقی سمیت دیگر رہنماو¿ں کے ہمراہ پریس کانفرنس کرتے ہوئے انہوں نے کہا کہ 2018ءکے عام انتخابات کے نتائج کس طرح مرتب ہوئے دنیا کو پتہ ہے۔خالد مقبول صدیقی کا کہنا ہے کہ کراچی اپنی حقیقی نمائندگی سے محروم ہوا ہے، ان لوگوں نے اس شہر کی نمائندگی کی جو اس شہر کے نہیں تھے، جلد سے جلد انتخابات کی اس شہر کو سب سے زیادہ ضرورت ہے۔ایم کیو ایم کے سربراہ نے کہاک ہ ہم جلد لیکن شفاف اور غیر جانبدارانہ اور قابل قبول انتخابات چاہتے ہیں، سندھ میں نگراں حکومت 15 سال کی حکومت کا تسلسل ہے۔ان کا کہنا ہے کہ ریاست کو بتانا چاہتے ہیں ہمیں انتخابات کی سب سے زیادہ ضرورت ہے، انتخابات صاف شفاف صرف ہونے نہیں بلکہ نظر بھی آنا چاہیے، اس وقت انتخابات صاف و شفاف ہوتے نظر نہیں آرہے ہیں۔خالد مقبول صدیقی نے کہا کہ ایسے انتخابات کو یہ شہر کسی طور قبول نہیں کرے گا، ہم سڑکوں پر لا کر اپنا مینڈیٹ منوائیں گے، نگراں وزیرِ اعظم آپ کا کام ہے کہ شفاف انتخابات کرائیں، کمیشن ممبر نثار درانی پیپلز پارٹی کے عہدیدار رہ چکے ہیں، اعجاز انور چوہان اور نثار درانی کے ہوتے ہوئے انتخابات تسلیم نہیں کریں گے۔انہوں نے یہ بھی کہا کہ حیدر آباد اور کراچی کی بلدیاتی حکومتوں شہروں کی نمائندگی نہیں کرتی، پری پول رگنگ ہو چکی ہے۔
دھاندلی زدہ الیکشن کو کسی صورت قبول نہیں کریں گے، خالد مقبول
2018ءکے عام انتخابات کے نتائج کس طرح مرتب ہوئے دنیا کو پتہ ہے، کراچی اپنی حقیقی نمائندگی سے محروم ہوا ہے، سربراہ ایم کیو ایم سندھ میں نگراں حکومت 15 سال کی حکومت کا تسلسل ہے، ریاست کو بتانا چاہتے ہیں ہمیں انتخابات کی سب سے زیادہ ضرورت ہے، پریس کانفرنس
