اسلام آباد( نمائندہ خصوصی)مسلم لیگ (ن)کے رہنما جاوید لطیف نے اسلام آباد ہائی کورٹ کے باہر میڈیا سے گفتگو کرتے ہوئے کہا ہے کہ اسی عدل کی عمارت سے انصاف ہو گا تو پاکستان آگے بڑھے گا،ایک شخص کہتا ہے سائفر کیس میں جنرل باجوہ اور امریکی نمائندے کو بلواوں گا،میں سمجھتا ہوں یہ بڑا اچھا موقع ہے کہ جنرل باجوہ عدالت جائیں ،جنرل باجوہ عدالت میں جا کر بتائیں کہ عمران خان کو کس طرح لایا گیا تھا،انہوں نے مزید کہا کہ جنرل باجوہ قوم کو بتائئں کہ کس طرح نواز شریف کو مانیٹرنگ جج بٹھا کر سزا دلوائی گئی ،یہ ایک نادر موقع ہے کہ جنرل باجوہ عدالت کو جا کر سچ بتائیں تاکہ عمران خان کی اصلیت قوم کے سامنے لائی جا سکے،بلاول جو لاڈلے کا الزام لگا رہے ہیں وہ زرداری صاحب کی ہدایت کو یاد رکھیں کہ بلاول ابھی ناتجربہ کار ہے ،بلاول اندرون سندھ کی فکر کریں جو ان کے ہاتھ سے نکلا جا رہا ہے،پورے پاکستان سے شخصیات کا ن میں شامل ہونا اور متعدد جماعتوں کی سیٹ ایڈجسٹمنٹ کرنا ن لیگ کی روایت مقبولیت کا ثبوت ہے۔
قمر باجوہ کےلئے اچھا موقع ہے کہ وہ بتائیں عمران کو کس طرح لایا گیا،جاوید لطیف
بلاول ابھی ناتجربہ کار ہے،اندرون سندھ کی فکرکریں جو ان کے ہاتھ سے نکلا جارہا ہے، رہنما ن لیگ
