لاہور (نمائندہ خصوصی) مسلم لیگ ن کے رہنما جاوید لطیف نے عمران خان کے جنرل باجوہ کو عدالت بلانے کے موقف کی حمایت کردی۔ ماڈل ٹاو¿ن لاہور میں میڈیا سے گفتگو کرتے ہوئے انہوں نے کہا کہ کہا کہ امریکی سفیر کو تو عدالت نہیں لیکن جنرل باجوہ کو بلاسکتے ہیں تاکہ عمران خان کے کرتوت سامنے آجائیں، اس کے علاوہ فیض حمید، لطیف کھوسہ اور ثاقب نثار کو تو ضرور وہاں بلایا جاسکتا ہے کہ عمران خان کے کرتوت کا کچا چٹھا کھل سکے۔جاوید لطیف نے کہا کہ دھمکی دے کر شیخ مجیب الرحمن بن رہا ہے، سہولت کاروں کو سمجھ آ جانی چاہیئے تھی یہ ان کے ایجنڈے پر نہیں عالمی ایجنڈے کو پورا کرے گا، وہ خارجہ داخلہ پالیسی اور اداروں پر اس وقت حملہ آور ہوتا ہے جب موقع ملتا ہے جس کو عالمی ایجنڈا پورا کرنے کےلئے جیل میں سہولت کاری مل رہی ہے، اسی لیے جیل میں بیٹھے شخص کو جب موقع ملتا وہ ریاستی اداروں پر حملہ آور ہوتا ہے، معیشت کو کمزور کرنے کا ایجنڈا جیلر کو دیا گیا تھا تاکہ مخالف قوتوں کو آسانی ہو سکے، معیشت کو کمزور کیا تو 9 مئی کرنا آسان ہو گیا۔انہوں نے کہا کہ اندیشہ ہے عالمی طاقتیں ایک ایجنڈے پر عمران خان کو سپورٹ کررہی ہیں، عالمی طاقتیں اداروں پر دباﺅ ڈالے ہوئے ہیں، اسی لیے عمران خان کو جیل میں بھی دیسی مرغی چاہیئے، جیل میں 8 ڈاکٹر موجود ہیں، جم بنا کر دیا گیا ہے وہ کہتا ہے اندر آرام دہ ہوں، کہتا ہے لکھ کر دے سکتا ہوں پھر پی ٹی آئی جیتے گی، وہ 9 مئی کو بھولا نہیں ہے اور دوبارہ 9 مئی کرنے کی منصوبہ بندی کررہا ہے، قوتوں کے دباﺅ کی وجہ سے فیصلے تاخیر کا شکار ہو رہے الیکشن سے پہلے فیصلے آ جائیں تاکہ قوم کو سہولت ہو اور وہ کھلے ذہن سے پولنگ اسٹیشن جا سکیں۔
جاوید لطیف نے قمر باجوہ کو عدالت بلانے کے موقف کی حمایت کردی
جنرل باجوہ کو بلاسکتے ہیں تاکہ عمران خان کے کرتوت سامنے آجائیں، میڈیا سے گفتگو
