لاہور، اسلام آباد (نمائندہ خصوصی)مسلم لیگ (ن) کے قائد میاں نواز شریف نے قومی اسمبلی اور صوبائی اسمبلیوں کیلئے امیدواروں کو ٹکٹ جاری کرنے اور امیدواروں کے انتخاب بارے اپنی ترجیحات واضح کردی ہیں جس پر پورا اترنے والے امیدواروں کو ہی پارٹی ٹکٹ جاری ہونگے جبکہ جن حلقوں میں ایک سے زیادہ امیدواروں کی پوزیشن بہتر ہوگی وہاں ٹکٹ کاحتمی فیصلہ نواز شریف کا ہوگا اور سب یہ فیصلہ ماننے کے پابند ہونگے۔ذرائع نے بتایا کہ نواز شریف کی زیر صدارت اعلیٰ سطحی اجلاس ہوا جس میں تمام سینئر پارٹی رہنماﺅں نے شرکت کی ، قائد ن لیگ نوازشریف نے بورڈ میں اپنی ترجیحات پیش کیں،قومی اور صوبائی اسمبلیوں کےلیے امیدواروں کے انتخاب کی گائیڈ لائنز بھی دیں ،امیدواروں کے انتخاب کیلئے ان کے حلقوں بارے سروے رپورٹس کا بھی جائزہ لیا گیا،یہ سروے صوبائی صدر رانا ثنا اللہ نے پنجاب کے ہر حلقہ میں کروائے ہیں، امیدواروں کے تعین کیلئے کوآرڈینیٹرز کی رپورٹس حتمی نہیں ہونگی،بعض حلقوں میں ایک سے زیادہ امیدواروں کی پوزیشن بہتر ہونے کی صورت میں آخری فیصلہ نواز شریف کا ہوگا،اجلاس کے دوران سوال شریف نے سوال کیا کہ قومی اسمبلی کی 141 نشستوں میں سے ہم عملی طور پر کتنی جیت سکتے ہیں،اکثر بورڈ اراکین نے 100 تک نشستیں جیتنے کی بات کی تاہم رانا ثناءاللہ 125 تک نشستیں جیتنے کے حوالے سے بیان پر قائم رہے، ذرائع کے مطابق بلاول بھٹو کی تنقید اور الزامات کا جواب دینے کی بھی نواز شریف نے اجازت دے دی تاہم پارٹی صدر شہبازشریف بلاول کے بیانات کو سنجیدہ نہ لینے کی بات کرتے رہے ،اکثر اراکین نے کہا کہ الیکشن ہم نے بھی لڑنا ہے اس لیے جواب دینا ضروری ہے ورنہ سارا ملبہ ہم پر ڈالا جارہا ہے۔ 
ترجیحات پر پورا اترنے والے امیدواروں کو ٹکٹ جاری ہونگے، نواز شریف
پنجاب سے کتنی سیٹیں لے سکیں گے،نواز شریف کا سوال،اکثریتی ارکان نے100 سیٹیں کی رائے دیدی،رانا ثناءاللہ کا125 سیٹیں جتنے کا دعویٰ اجلاس میں بلاول بھٹو کے بیانات پر بات چیت ،نواز شریف نے الزامات کا جواب دینے کی اجازت دیدی،شہباز شریف کا بلاول کے بیان کو سنجیدہ نہ لینے کا مشورہ
جواب دیں
ہماری ویب سائٹ پر تازہ ترین خبریں حاصل کریں۔
