کراچی(بیورو رپورٹ )آل پاکستان متحدہ اسٹوڈینٹس آرگنائزیشن سیکٹر اے کے زیر اہتمام وفاقی اردو سائنس یونیورسٹی میں معروف قوال شہید امجد صابری کی یاد میں محفل سماع کا انعقاد کیا گیا۔محفل سماع میں ایم کیو ایم پاکستان کی سینئر ڈپٹی کنوینر نسرین جلیل ، سابق اپوزیشن لیڈر سندھ اسمبلی و رکن رابطہ کمیٹی رعنا انصار،سابق رکن قومی اسمبلی و رکن رابطہ کمیٹی محمد ابوبکر اور رکن رابطہ کمیٹی شکیل احمد نے خصوصی شرکت کی۔محفل سماع میں شہید امجد صابری کے صاحبزادے مجدد امجد صابری نے خصوصی کلام پیش کر کے محفل میں چار چاند لگا دئے اور شہید امجد صابری کی یاد کو تازہ کر دیا۔قوالی کے پروگرام میں جامعہ اردو کے طالبا و طالبات نے بڑی تعداد میں شرکت کی جبکہ محفل سماع میں وائس چانسلر جامعہ اردو سائنس روبینہ مشتاق اور رجسٹرار پروفیسر صدیق نے بھی شرکت۔اس موقع پر اے پی ایم ایس او کی مرکزی کمیٹی کے انچارج ثاقب اعجاز و اراکین مرکزی کمیٹی،سیکٹر و یونٹس کے ذمہ داران و کارکنان بھی موجود تھے۔
