کراچی سمیت سندھ بھر میں موسم خشک اور راتیں سرد رہنے کا امکان

کراچی (نمائندہ خصوصی)ملک کے سب سے بڑے شہر کراچی سمیت سندھ بھر میں موسم خشک اور راتیں سرد رہنے کا امکان ہے۔ محکمہ موسمیات کے مطابق سندھ بھر میں صبح کے وقت میدانی علاقوں میں دھند کا بھی امکان ہے۔ شہرِ قائد کراچی میں آئندہ 24 گھنٹوں کے دوران مطلع صاف جبکہ رات میں موسم خنک رہ سکتا ہے۔ کراچی کا کم سے کم درجہ حرارت 15.8 ڈگری سینٹی گریڈ ریکارڈ کیا گیا جہاں زیادہ سے زیادہ درجہ حرارت 27 سے 29 ڈگری سینٹی گریڈ کے درمیان رہنے کا امکان ہے۔ شہرِ قائد میں شمال مشرق کی سمت سے چلنے والی ہواوں کی رفتار 2 کلو میٹر فی گھنٹہ ہے جن میں نمی کا تناسب 65 فیصد ریکارڈ ہوا ہے۔