اوگرا نے درآمدی آر ایل این جی کی قیمتوں میں اضافہ کر دیا

اسلام آباد (نمائندہ خصوصی )اوگرا نے درآمدی آر ایل این جی کی قیمتوں میں اضافہ کر دیا،سوئی ناردرن کے لیے آر ایل این جی کی قیمت میں 1.20 فیصد بڑھا دی گئی۔ اوگرا کی جانب سے جاری نوٹیفکیشن کے مطابق سوئی ناردرن کے لیے آر ایل این جی کی نئی قیمت 13.49 ڈالر فی ایم ایم بی ٹی یو مقرر کردی ہے سوئی نادرن کے لیے اکتوبر میں آر ایل این جی کی قیمت 13.33 ڈالر فی ایم ایم بی ٹی یو مقرر تھی سوئی سدرن کے لیے آر ایل این جی کی قیمت میں 1.17 فیصد کا اضافہ سوئی سدرن کے لیے آر ایل این جی جی نئی قیمت 14.03 ڈالر فی ایم ایم بی ٹی یو مقرر کی گئی ہے سوئی سدرن کے لیے اکتوبر میں آر ایل این جی کی قیمت 13.87 ڈالر فی ایم ایم بی ٹی یو مقرر تھی نئی قیمتوں کا اطلاق یکم نومبر 2023 سے ہو گا۔