راولپنڈی(نمائندہ خصوصی)
43ویں پاکستان آرمی رائفل ایسوسی ایشن (PARA) کے مرکزی اجلاس کی اختتامی تقریب آج آرمی مارکس مین شپ یونٹ (AMU) جہلم میں منعقد ہوئی۔جنرل سید عاصم منیر، NI (M)، چیف آف آرمی سٹاف (COAS) اس موقع پر مہمان خصوصی تھے۔ میگا شوٹنگ ایونٹ کا انعقاد 3 اکتوبر سے 7 نومبر 2023 تک کیا گیا۔مقابلے میں 
آرمی، نیوی، ایئر فورس، سول آرمڈ فورسز بشمول رینجرز (سندھ اور پنجاب)، فرنٹیئر کور اور گلگت بلتستان اسکاؤٹس کے 2000 سے زائد جنگجوؤں کے ساتھ ساتھ عام شہریوں نے حصہ لیا۔سی او اے ایس اور چیف آف دی ایئر سٹاف، ایئر چیف مارشل ظہیر احمد بابر سدھو، این آئی (ایم)، جو تقریب کے مہمان خصوصی تھے، نے ہر کیٹیگری میں ایوارڈ جیتنے والوں اور رنر اپ کو ٹرافیاں اور میڈلز سے نوازا۔انٹر سروسز میچز میں پاکستان آرمی نے چاروں مقابلے جیتے جن میں CJCSC، COAS، CAS اور CNS میچز شامل ہیں جبکہ پاکستان نیوی اور پاکستان ایئر 
فورس نے بالترتیب دوسری اور تیسری پوزیشن حاصل کی۔ پاکستان آرمی نے مجموعی طور پر چیمپئن شپ ٹرافی حاصل کی جبکہ پاکستان نیوی اور پاکستان ایئر فورس نے دوسری اور تیسری پوزیشن حاصل کی۔
پریذیڈنٹ کپ نیشنل چیلنج میچ کی ٹرافی آرمی مارکس مین شپ یونٹ کے نائیک وسیم کو دی گئی۔ پاک فوج نے پرائم منسٹر سکلز ایٹ آرمز بگ بور نیشنل چیلنج جیت لیا۔ پیرا فائرنگ میچز (انفنٹری سکواڈ) میں پاکستان رینجرز پنجاب نے پہلا انعام حاصل کیا۔سب سے زیادہ فوجی شوٹنگ اعزاز، ‘دی ماسٹر ایٹ آرمز’ ٹرافی 30 فرنٹیئر فورس رجمنٹ کے لانس نائیک بنارس کو دی گئی۔ بہترین شاٹ میچ ٹرافی 82 (SP) میڈیم رجمنٹ آرٹلری کے نائیک شیر افضل کو دی گئی۔شرکاء کے ساتھ بات چیت کرتے ہوئے، COAS نے فائرنگ کرنے والوں کو نشانے بازی کے بہترین معیار پر سراہا۔ شوٹنگ کی مہارت کو ایک پیشہ ور سپاہی کی پہچان قرار دیتے ہوئے، انہوں نے کہا کہ "شوٹنگ میں مہارت حاصل کرنا فوجی تربیت کے بنیادی مقاصد کا مرکز ہونا چاہیے”۔ قبل ازیں آمد پر انسپکٹر جنرل ٹریننگ اینڈ ایویلیوایشن نے COAS کا استقبال کیا۔
راولپنڈی:انٹر سروسز میچز میں پاکستان آرمی فتح یاب چیف آف آرمی اسٹاف جنرل سید عاصم منیر مہمان خصوصی تھے
