وزیرداخلہ اور برطانوی ہائی کمشنر کی ملاقات کی اندرونی کہانی

اسلام آباد(نمائندہ خصوصی) وزیرداخلہ اور برطانوی ہائی کمشنر ملاقات کی اندرونی کہانی منظر عام پر آگئی۔ ذرائع وزارت داخلہ کے مطابق وزیرداخلہ اور برطانوی ہائی کمشنر کے درمیان ہونیوالی ملاقا ت میں برطانوی ہائی کمشنر نے افغانیوں کو مزید وقت کی درخواست کردی ۔ ذرائع کے مطابق برطانوی ہائی کمشنر نے کہا کہ جن افغانیوں نے برطانیہ کے ساتھ کام کیا انکو ہم انگلینڈ لے جائےں گے، کچھ فلائٹس چلارہے ہیں ، کچھ اسی طرح مزید چلائینگے ۔ وزیر داخلہ نے کہا کہ آپ نے کہا تھا کہ برطانیہ دو ماہ میں آپریشن مکمل کرلیگا لیکن نہیں کیا ، جن جن ممالک نے اپنے کو ورکر افغانیوں کو لیکر جانا تھا انکی طرف سے سستی کا مظاہرہ کیا گیا ، ہمیں ان تمام افغانیوں کا ڈیٹا فراہم کیا جائے جنہوں کو برطانیہ بھیجا گیا ، جن کو مزید بھجوارہے ہیں انکا ڈیٹا شیئر کیا جائے، اب تک کتنے افغانی برطانوی سفارتخانہ کے ساتھ رجسٹرڈ ہیں انکی بھی تفصیل فراہم کی جائے ۔