اینکر مرید عباس قتل کیس میں اہم پیش رفت:اہم گواہ عمر ریحان کا بیان ویڈیو لنک کے ذریعے ریکارڈ کرنے کی درخواست منظور کرلی ۔

کراچی (اسٹاف رپورٹر) ایڈیشنل ڈسٹرکٹ اینڈ سیشن جج جنوبی نے اینکر مرید عباس قتل کیس کے اہم گواہ عمر ریحان کا بیان ویڈیو لنک کے ذریعے ریکارڈ کرنے کی درخواست منظور کرلی۔اینکر مرید عباس قتل کیس میں اہم پیش رفت سامنے آگئی ، عدالت نے کیس کے اہم گواہ عمر ریحان کا بیان ویڈیو لنک کے ذریعے ریکارڈ کرنے کی درخواست منظور کرلی ۔کراچی کی مقامی عدالت میں درخوست گزار کاکہناتھا کہ کیس کا گواہ متعدد بار گواہی دینے آچکا ہے ،کیس کا گواہ اعلیٰ تعلیم کے لیے برطانیہ گیا ہوا ہے ،سرکاری وکیل کا کہناتھاکہ کیس کے گواہ کا بیان ویڈیو لنک کے ذریعے ریکارڈ کیا جائے تاکہ کیس کے ٹرائل میں تاخیر نا ہو،ملزم عاطف زمان کے وکیل نے درخواست پر اعتراض کرتے ہوئے کہا کہ گواہ کو واپس بلوایا جائے۔ عدالت کی اجازت کے بغیر کیسے باہر چلا گیا ہے ،عدالت کاکہناتھا کہ ٹیکنالوجی میں جدت آچکی ہے، ویڈیو لنک کے ذریعے بھی بیان ریکارڈ ہوسکتا ہے ،پراسکیوشن گواہ کے بیان ریکارڈ کرنے کے انتظامات کرے ،پراسکیوشن گواہ کے بیان کے وقت پورے کمرے تک کیمرے کی رسائی یقینی بنائے تاکہ گواہ پر کوئی اثر انداز نا ہوسکے ،سرکاری وکیل کاکہناتھا کہ کیس میں ملزم عاطف زمان گرفتار اور عدالتی ریمانڈ پر جیل میں ہے ،جبکہ ملزم کا ایک بھائی تاحال مفرور ہے ،پولیس کا کہناتھا کہ ملزم عاطف زمان پر مرید عباس کے قتل کا الزام ہے ،ملزم عاطف زمان کی فائرنگ سے جولائی 2019 میں مرید عباس ہلاک ہوا تھا ۔