اسپین: مسافر نے جہاز کے فرش پر پاخانہ کر دیا ، پرواز منسوخ

بارسلونا ( نیٹ نیوز) سپین میں ایک مسافر کے جہاز کے فرش پر پاخانہ کر دینے کی وجہ سے ایک پرواز منسوخ کر دی گئی۔ اپسنشن میڈیا کے مطابق یہ ایزی جیٹ ایئرلائنز کی پرواز تھی جو اسپین کے شہر ٹینریف سے برطانوی دارالحکومت لندن کے لیے روانہ ہو رہی تھی۔ مسافر پرواز میں سوار ہو چکے تھے کہ اس اخلاق باختہ شخص نے یہ کریہہ حرکت کر ڈالی۔جس پر مسافروں کو پرواز سے اتار دیا گیا اور وہ دوبارہ ہوٹلوں میں جانے پر مجبور ہو گئے۔ ایزی جیٹ کی یہ پرواز اس واقعے کے بعدکئی گھنٹوں کی تاخیر سے روانہ ہوئی۔ بتایا گیا ہے کہ مسافر ہوائی جہاز کے ٹوائلٹ کے باہر انتظار میں کھڑا تھا کہ ٹوائلٹ میں کوئی اور شخص موجود تھا۔ اس دوران باہر موجود مسافر کنٹرول نہ کر سکا اور وہیں پاخانہ کر دیا۔اس واقعے کی ایک ویڈیو منظرعام پر آئی ہے جو تیزی سے وائرل ہو رہی ہے۔