سندھ اسمبلی کا اجلاس قائم مقام اسپیکر کی صدارت میں سوا گھٹنے کی تاخیر سے شروع ہوا

کراچی ( نمائندہ خصوصی) سندھ اسمبلی کا اجلاس پیر کو سوا گھنٹے کی تاخیر سے قائم مقام اسپیکر ریحانہ لغاری کی صدارت میں شروع ہوا ۔ ایوان کی کارروائی کے آغاز میںمچھر کالونی میں چھت گرنے سے جاں بحق افراد کے لئے دعائے مغفرت کی گئی۔پی ٹی آئی کے رکن اسمبلی رابستان خان نے کہا کہ ہم اپنی پارٹی کے ساتھی ایم پی اے شبیر قریشی کی گرفتاری کی مذمت کرتے ہیں۔وہ اس معاملے پر مزید کچھ کہنا چاہتے تھے کہ اسپیکر نےان کا مائیک بند کرادیا۔ پی ٹی آئی کے رکن اسمبلی سعید آفریدی نے کہا کہ رکن سندھ اسمبلی شبیر قریشی کو چھ گھنٹے پٹی باندھ کر گھمایا گیا۔ ہم اس کی مذمت کرتے ہیں۔