کراچی(نمائندہ خصوصی) نگراں وزیر اعلیٰ سندھ مقبول باقر کی ہدایت پر ڈپٹی کمشنر سینٹرل فواد غفار سومرو نے چلڈرن ہسپتال نارتھ ناظم آباد میں ترقیاتی کاموں کا آغاز، چیئرمین نارتھ ناظم آباد عاطف حسین کا اسسٹنٹ کمشنر نارتھ ناظم آباد عمران علی سولنگی کے ہمراہ نارتھ ناظم آباد شادمان ٹاؤن میں قائم چلڈرن ہسپتال کا دورہ ترقیاتی کاموں کا جائزہ لیا۔ اس موقع پر وائس چیئرمین نارتھ ناظم آباد ٹاؤن ضیاء جماعی،فوکل پرسن عرفان معطر،ایڈمنسٹریٹر چلڈرن ہسپتال ڈاکٹر عارف نیاز بھی موجود تھے۔اس موقع پر چیئرمین نارتھ ناظم آباد ٹاؤن عاطف حسین نے ہسپتال کے مختلف شعبوں کا معائنہ کیا انہوں نے ڈاکٹرز،نرسز اور دیگر پیرا میڈیکل اسٹاف سے گفتگو کرتے ہوئے کہا کہ بچے ہمارا مسقبل ہیں اس لئے ان کی صحت اور علاج کی جانب خاص توجہ کی ضرورت ہے انہوں ہسپتال میں جاری مختلف ترقیاتی کاموں کا بھی معائنہ کیا اور انھیں جلد از جلد مکمل کرنے کی ہدایت کی،قبل ازیں ہسپتال کے ایڈمنسٹریٹر ڈاکٹر عارف نیاز نے چیئرمین نارتھ ناظم آباد اور اسسٹنٹ کمشنر نارتھ ناظم آباد عمران سولنگی کا ہسپتال پہنچنے پر استقبال کیا اور انہیں اسپتال کے مختلف شعبوں کادورہ کرایا اور بچوں کے علاج کے لیے موجود سہولیات سے آگاہ کیا۔ ساتھ ہی بچوں کے علاج میں حائل مسائل سے بھی آگاہی فراہم کی۔ واضح رہے کہ چند دن قبل سندھ کے نگراں وزیر اعلیٰ مقبول باقر نے چلڈرن ہسپتال کا دورہ کیا تھا اور مزکورہ ہسپتال میں صفائی ستھرائی سمیت سیوریج لائن کی خراب صورت حال پر ڈپٹی کمشنر ضلع وسطی فواد غفار سومرو کو ہدایت جاری کی تھی کہ وہ ہسپتال میں صفائی ستھرائی، نئی سیوریج لائن کی تنصیب کو یقینی بنائیں جبکہ ہسپتال میں ماحول کو بہتر سے بہتر بنانے کے لئے گرین ایریا بھی قائم کیا جائے جس کی تکمیل کے لئے ڈپٹی کمشنر سینٹرل فواد غفار سومرو نے اپنے دفتر میں اجلاس بلا کر چیئرمین نارتھ ناظم آباد ٹاؤن عاطف حسین سمیت دیگر متعلقہ افسران کو ہدایت کی کہ مزکورہ ہسپتال میں ترقیاتی منصوبہ جلد از جلد شروع کیا جائے جس کے تحت کلک کے تعاون سے مزکورہ ہسپتال میں نئی سیوریج لائن کی تنصیب کا کام جاری ہے جبکہ ہسپتال آنے والی سڑک کا تعمیراتی کام بھی شروع ہوچکا ہے واضح رہے کہ ہسپتال سے مین سیوریج لائن تقریبا 1500 رننگ فٹ ہے جبکہ سیوریج لائن کی تنصیب کا کام تقریبا 300 فٹ کا مکمل ہو چکا ہے اور 1200 فٹ کام ابھی باقی ہے ہسپتال میں گرین ایریا کو سرسبز بنانے کے لئے نارتھ ناظم آباد محکمہ باغات کی جانب سے کام جاری ہے زمین ہموار کی جاری ہے جبکہ گھاس اور پودے لگانے کے لئے بھی کام جاری ہے