کابل(نیٹ نیوز )
,افغان عبوری حکومت کے وزیر دفاع ملایعقوب مجاہد نے کابل میں پولیس اکیڈمی کی 14ویں گریجویشن تقریب سے خطاب کرتے ہوئے کہا کہ افغان مہاجرین کی بے دخلی کے حوالے سے پاکستان کا فیصلہ غیر انسانی، غیر منصفانہ اور وحشیانہ ہے۔انھوں نے کہا کہ یہ فیصلہ دو طرفہ تعلقات کو مشکلات میں ڈال کر اور خراب کر دے گا۔انہوں نے پاکستان کے عوام، علمائے اور سیاسی شخصیات سے مطالبہ کیا کہ وہ آگے آئیں اور اس کو روکیں۔انہوں نے کہا کہ میں اقوام متحدہ سے مطالبہ کرتا ہوں کہ وہ پاکستان کو اس بربریت سے روکے اور انسانی حقوق کو یقینی بنائے۔مجاہد نے پاکستان میں سرمایہ کاری کرنے والے افغان تاجروں پر بھی زور دیا کہ وہ اپنی سرمایہ کاری افغانستان منتقل کریں۔
