آئی جی سندھ رفعت مختار راجہ سے ایس پی ایس سے پی ایس پی کیڈر میں جانیوالے 48 ایس پیز کی سینٹرل پولیس آفس کراچی میں ملاقات

کراچی ( کرائم رپورٹر)آئی جی سندھ رفعت مختار راجہ سے ایس پی ایس سے پی ایس پی کیڈر میں جانیوا 48 ایس پیز نے سینٹرل پولیس آفس کراچی میں ملاقات کی.ملاقات کے دوران ایس پیز نے آئی جی سندھ کا شکریہ ادا کیا اور انکی قیادت پر اپنے مکمل اعتماد کا اظہار کرتے ہوئے کہا کہ آپ سے بالمشافہ ملاقات ہمارے لیئے باعث مسرت اور افتخار ہے۔انہوں نے مذید کہا کہ ایس پی ایس کیڈر سے پی ایس پی کیڈر میں جانا ہمارے لیئے اعزاز کی بات ہے اور یہ سب آپکی سنجیدہ کاوشوں کی بدولت ممکن ہوا۔آئی جی سندھ نے تمام ایس پیز کے لیئے اپنی اور سندھ پولیس کی جانب سے نیک تمناؤں کا اظہار کرتے ہوئے کہا کہ بحیثیت ایک سینئر پولیس آفیسر آپ لوگوں کو مثبت اور عوام دوست پولیسنگ پر خصوصی فوکس رکھنے کیساتھ ساتھ عوام پر پولیس کے اعتماد کو مذید تقویت دینے کے اقدامات بھی کرنا ہونگے جو کہ بلاشبہ پولیس کی جرائم کے خلاف یقینی کامیابی کی ضمانت ہے۔