لندن(نمائندہ خصوصی) نگران وزیراعظم انوار الحق کاکڑ نے کہا ہے کہ پاکستان اور برطانیہ کے مابین تعلقات مشترکہ اقدار اور احساسات کی بنیاد پر قائم ہیں، قوم جمہوری نظریات جامع، آزاد اور شفاف انتخابات کےلئے پرعزم ہے ۔تفصیل کے مطابق نگراں وزیراعظم نے لندن میں لارڈ ضمیر چوہدری کی جانب سے ہاو¿س آف لارڈز میں اپنے اعزاز میں دیئے گئے استقبالیہ میں شرکت کی تقریب میں مختلف جماعتوں سے تعلق رکھنے والے برطانوی پارلیمنٹیرینز کی ایک بڑی تعداد اور پاکستانی کمیونٹی کے نمایاں اراکین کے منتخب گروپ نے شرکت کی۔اپنے خطاب میں وزیراعظم نے پرتپاک استقبال پر اظہار تشکر کیا اور پاکستان و برطانیہ کے مابین مشترکہ اقدار اور خواہشات پر مبنی پائیدار تعلقات پر زور دیا۔ انہوں نے دونوں ممالک کی ترقی میں نمایاں کردار ادا کرنے پر متحرک برطانوی پاکستانیوں کی تعریف کی۔وزیراعظم انوارالحق کاکڑ نے شرکاءکو یقین دلایا کہ پاکستان ملک کی سٹریٹجک اہمیت اور نوجوانوں پر مشتمل آبادی کے پیش نظر معاشی اور سیاسی چیلنجز کا سامنا کرنے کےلئے پختہ عزم رکھتا ہے ۔ انہوں نے شرکاءکی حوصلہ افزائی کی کہ وہ سپیشل انوسٹمنٹ فیسیلی ٹیشن کونسل (SIFC) کو اہم شعبوں میں سرمایہ کاری کے لیے ایک قابل قدر پلیٹ فارم سمجھیں۔پاکستان کے جمہوری عمل کے بارے میں، وزیر اعظم انوارالحق کاکڑ نے ایک جامع، آزاد اور شفاف انتخابی عمل کی اہمیت پر زور د یا اور کہا کہ پاکستانی قومی جمہوری نظریات کے لیے پرعزم ہے
پاک برطانیہ تعلقات مشترکہ اقدار اور احساسات کی بنیاد پر قائم ہیں، انوار الحق کاکڑ
قوم جمہوری نظریات جامع، آزاد اور شفاف انتخابات کےلئے پرعزم ہے،تقریب سے خطاب
