معلوم نہیں برف پگھلی ہے یا نہیں لیکن بے گناہوں،شاہ محمود قریشی

اسلام آباد(نمائندہ خصوصی)پی ٹی آئی کے وائس چیئرمین شاہ محمود قریشی نے کمرہ عدالت میں صحافیوں سے غیر رسمی گفتگو کرتے ہوئے کہاکہ انہیں معلوم نہیں برف پگھلی ہے یا نہیں لیکن جو بےگناہ ہے اسے رہائی ملنی چاہیے۔ تفصیلات کے مطابق ایف آئی اے نے سائفر کیس میں شاہ محمود کو ہتھکڑی لگا کر جوڈیشل کمپلیکس اسلام آباد پہنچایا جہاں کمرہ عدالت میں صحافیوں سے غیر رسمی گفتگو کرتے ہوئے شاہ محمود قریشی نے کہا کہ 40 سال سیاست کی۔39 سال ایک پرچہ نہیں ہوا تھا لیکن ایک سال میں جیل اور کورٹ کچہری دیکھ لی۔دہشتگرد بھی بنا دیا گیا۔ایک سوال کے جواب میں انہوں نے کہا کہ معلوم نہیں برف پگھلی ہے یا نہیں۔جو بے گناہ ہے اسے رہائی ملنی چاہیے۔پی ٹی آئی رہنما کا کہنا تھا کہ شفاف انتخابات وقت کی ضرورت اور واحد حل ہیں۔اگر شفاف انتخابات نہ ہوئے تو ملک کا ناقابل تلافی نقصان ہوگا اور عوام کا موجودہ جمہوری نظام سے اعتبار اٹھ جائے گا۔واضح رہے کہ خصوصی عدالت نے سائفر کیس میں چیئرمین پی ٹی ا?ئی اور شاہ محمود کے جوڈیشل ریمانڈ میں توسیع کردی ہے۔