انکوائری اور تحقیقات کے دوران نیب افسران کی میڈیا سے گفتگو پر پابندی

پشاور(نمائندہ خصوصی) نیب نے انکوائری اور تحقیقات کے دوران افسران کے میڈیا سے بات کرنے پر پابندی عائد کر دی۔ذرائع کے حوالے سے میڈیارپورٹ کے مطابق انکوائری اور تحقیقات کے دوران نیب افسران معلومات میڈیا سے شیئر نہیں کریں گے، معلومات شیئر کرنے میں ملوث افسران کو 2 سال سزا ہوگی، سپریم کورٹ نے نیب ترامیم میں اس شق کو برقرار رکھا ہے۔نیب قانون کہتا ہے کہ جب تک ریفرنس دائر نہیں ہوتا کسی قسم کی معلومات میڈیا کو نہ دی جائے، نیب نے تمام افسران کو قانون پر سختی سے عمل درآمد یقینی بنانے کی ہدایت کر دی۔