کراچی(نمائندہ خصوصی)
آئی جی سندھ رفعت مختار راجہ نے سندھ پولیس کو جاری ہدایات میں کہا ہے صوبے بھر اور باالخصوص کراچی میں 08 ربیع الاول کے روزبرآمد ہونے والے چپ تعزیہ کےجلوسوں، جلوسوں کے روٹس اور مرکزی اجتماع گاہوں پر سیکیورٹی کے مجموعی اقدامات کو انتہائی ٹھوس مربوط اور غیر معمولی بنایا جائے اور اس ضمن میں مجموعی پولیس ڈپلائمنٹ کی باقاعدہ بریفنگ کے عمل کو بھی یقینی بنایاجائے۔زونز/ڈسٹرکٹس اور اضلاع کی سطح پر تعینات مجموعی ڈپلائمنٹ کو سیکیورٹی فرائض کی بابت بریفنگ لازمی دی جائے۔آئی جی سندھ نےجاری ہدایات میں مذید کہا کہ لاڑکانہ، حیدرآباد،سکھر، میرپورخاص،شہید بینظیر آباد اور باالخصوص کراچی میں سیکیورٹی اقدامات کے تسلسل کو جاری رکھتے ہںوئے تمام تر فوکس 12 ربیع الاول کے مرکزی اجتماعات ،جلوسوں، محافل میلاد،نعت، وعظ،تقاریر و دیگر کی سیکیورٹی پر رکھا جائے اوراس ضمن میں متعلقہ اسٹیک ہںولڈرز سے باہمی مشاورت اور انکی تجاویز کی روشنی میں مرتب کردہ سیکیورٹی پلان پر اسکی روح کے مطابق عمل درآمد اور ترجیحات کو ہرسطح پر ٹھوس اور غیر معمولی بنایا جائے۔
