اسلام آباد،ٹریل 5 سے دھماکہ خیز مواد، ریڈزون کا نقشہ برآمد، سیکیورٹی سخت

اسلام آباد (نمائندہ خصوصی)پولیس نے وفاقی دارالحکومت کے حساس علاقے سے دھماکہ خیز مواد، ریڈزون کا نقشہ برآمد کرلیا۔تفصیلات کے مطابق پولیس نے کارروائی کر کے وفاقی دارالحکومت میں دہشت گردی کا منصوبہ ناکام بنا دیا،پولیس حکام کے مطابق پارلیمنٹ ودیگر حساس مقامات سے چند کلو میٹر دور ٹریل فائیو پرمشکوک بیگ کی اطلاع ملنے پر پولیس اور بم ڈسپوزل ٹیم جائے وقوعہ پر پہنچی اور بیگ کی تلاشی لی۔حکام کے مطابق بیگ سے تین دستی بم، پستول، گولیاں، ریڈ زون کا نقشہ اور ایک تحریر برآمد ہوئی ہے، تمام مواد کو تفتیش کیلئے محفوظ جگہ منتقل کر دیا گیا ہے جبکہ وفاقی دارالحکومت کی سکیورٹی مزید سخت کر دی گئی ہے۔