اسلام آباد(نمائندہ خصوصی)نگران وزیرِ اعظم انوار الحق کاکڑ نے کہا ہے کہ اقوام متحدہ کی جنرل اسمبلی کے 78 ویں اجلاس میں پاکستان کی نمائندگی کیلئے پرجوش ہوں۔سماجی رابطے کی ویب سائٹ ایکس (سابق ٹوئٹر) پر جاری کردہ بیان میں نگران وزیراعظم انوار الحق کاکڑ کا کہنا تھا کہ امریکا کے 5 روزہ اہم دورے پر ہوں، دورے کے دوران عالمی ماحولیاتی چیلنجز، عالمی رہنماوں سے بات چیت کروں گا، بین الاقوامی میڈیا اور ٹاپ تھنک ٹینک سے تبادلہ خیال کروں گا۔واضح رہے کہ گزشتہ روز نگران وزیرِ اعظم انوار الحق کاکڑ 5 روزہ دورہ امریکا کیلئے روانہ ہوئے تھے۔نگران وزیر اعظم امریکا میں منعقدہ عالمی موسمیاتی تبدیلی کانفرنس میں شرکت کریں گے اور عالمی رہنماوں سے ملاقات کریں گے، انوار الحق کاکڑ عالمی ذرائع ابلاغ کے نمائندوں سے بھی ملاقات کریں گے۔
اقوام متحدہ کے اجلاس میں پاکستان کی نمائندگی کیلئے پرجوش ہوں: نگران وزیراعظم
دورے کے دوران عالمی ماحولیاتی چیلنجز، عالمی رہنماوں سے بات چیت کروں گا،انوارالحق
