اسلام آباد (مانیٹرنگ ڈیسک) امریکا میں کام کرنے والے پاکستانیوں کی ترسیلات زرمیں اگست کے دوران ماہانہ بنیادوں پر 9 فیصد کی نموریکارڈکی گئی ہے۔ اسٹیٹ بینک کی جانب سے اس حوالہ سے جاری کردہ اعدادوشمارکے مطابق اگست میں امریکا میں کام کرنے والے پاکستانیوں نے 262 ملین ڈالرکازرمبادلہ ملک ارسال کیا جو جولائی کے مقابلہ میں 9 فیصدزیادہ ہے۔ جولائی میں امریکا میں کام کرنے والے پاکستانیوں نے 241 ملین ڈالرکازرمبادلہ ملک ارسال کیاتھا۔گزشتہ سال اگست کے مقابلہ میں رواں سال اگست میں امریکا میں کام کرنے والے پاکستانیوں کی ترسیلات زرمیں سالانہ بنیادوں پر12 فیصدکی کمی ہوئی۔ علاوہ ازیں ملک سے سیمنٹ کی برآمدات میں رواں مالی سال کے پہلے دو ماہ کے دوران سالانہ بنیادوں پر117فیصد اضافہ ریکارڈ کیا گیا ہے۔ انڈسٹری کے اعدادوشمارکے مطابق جولائی اور اگست میں ملک سے 1175000 ٹن سیمنٹ کی برآمدات ریکارڈ کی گئیں، جو گزشتہ مالی سال کی اسی مدت کے مقابلے میں 117 فیصد زیادہ ہیں۔ رپورٹ کے مطابق گزشتہ مالی سال کی اسی مدت میں 541000ٹن سیمنٹ کی برآمدات ریکارڈ کی گئی تھیں۔ 
اگست 2023، امریکہ سے پاکستانیوں کی ترسیلات زرمیں 9 فیصد کی نموریکارڈ
اگست میں امریکا میں کام کرنے والے پاکستانیوں نے 262 ملین ڈالرکازرمبادلہ ملک ارسال کیا جو جولائی کے مقابلہ میں 9 فیصدزیادہ ہے، اسٹیٹ بینک گزشتہ سال اگست کے مقابلہ میں رواں سال اگست میں امریکا میں کام کرنے والے پاکستانیوں کی ترسیلات زرمیں سالانہ بنیادوں پر12 فیصدکی کمی ہوئی
جواب دیں
ہماری ویب سائٹ پر تازہ ترین خبریں حاصل کریں۔
