پاکستان میں تیل اور گیس کی پیداوار میں اضافہ ریکارڈ ، اعدادو شمار جاری

اسلام آباد(نمائندہ خصوصی) ملک بھر میں تیل اور گیس کی پیداوار میں اضافہ ریکارڈ کیا گیا ہے، پی پی آئی ایس اور انڈسٹری نے اعدادو شمار جاری کر دیے۔31 اگست کو ختم ہونے والے ہفتے میں ملک میں تیل کی اوسط پیداوار 69938 بیرل ریکارڈکی گئی جوپیوستہ ہفتے کے مقابلے میں 0.4 فیصدزیادہ رہی۔ ملک میں گیس کی اوسط یومیہ پیداوار3260 ایم ایم سی ایف ڈی ریکارڈ کی گئی جوپیوستہ ہفتے کے مقابلے میں 1.1 فیصدزیادہ رہی۔ گزشتہ ہفتے میں ملک میں گیس کی اوسط یومیہ پیداوار3225 ایم ایم سی ایف ڈی رہی تھی۔31 اگست کو ختم ہونے والے ہفتے میں او جی ڈی سی ایل کی خام تیل کی اوسط یومیہ پیداوار33845 بیرل، پی پی ایل 10988 بیرل، پی اوایل 4630 بیرل اورماڑی گیس کی خام تیل کی اوسط یومیہ پیداوار1051 بیرل ریکارڈی گئی۔