کراچی(اسپورٹس رپورٹر)
نیشنل بینک آف پاکستان نے صدر رحمت علی حسنی کی قیادت میں پاکستان اور جنوبی افریقہ کی ویمن کرکٹ ٹیموں کے درمیان ون ڈے کرکٹ سیریز کی سپانسر شپ کا اعلان کیا ہے۔یہ سپانسر شپ این بی پی کے نہ صرف نوجوان کرکٹرز کی صلاحیتوں کو پروان چڑھانے بلکہ کھیل کے میدان میں خواتین کو بااختیار بنانے اور ان کے کردار کے اعتراف کیلئے عزم کا اظہار ہے۔ اپنے ایک بیان میں نیشنل بینک آف پاکستان کے صدر رحمت علی حسنی نے ویمن کرکٹ کے فروغ کیلئے این بی پی کے اہم اقدام پر خوشی کا اظہار کرتے ہوئے اسے اعزاز قرار دیا ہے۔انہوں نے کہا کہ ہمارے ملک میں کرکٹ صرف کھیل کا نام نہیں ہے بلکہ ایک جذبہ اور جنون کا نام ہے۔خواتین نہ صرف میچ جیتنے کی امید میں بلکہ لاتعداد نوجوان لڑکیوں کے خوابوں اور خواہشات کی تکمیل کیلئے میدان میں اترتی ہیں جو ان خواتین کھلاڑیوں کیلئے مشعل راہ ہیں۔ان ایتھلیٹس کی طرف سے جرات، لگن اور بھرپور عزم کا مظاہرہ قابل تعریف ہے اور آنے والی نسلوں کیلئے امید کی کرن ہیں۔پاکستان اور جنوبی افریقہ دونوں نے خواتین کرکٹ میں غیر معمولی صلاحیت کے حامل کھلاڑی پیدا کئے ہیں۔دونوں ممالک کے درمیان ون ڈے سریز سے نہ صرف اعلیٰ معیار کی کرکٹ دیکھنے کو ملے گی بلکہ اس سے کھیل کے فروع میں حائل مشکلات کو دورکرنے کیلئے سٹیٹس کو ، کو ختم کرنے کے علاوہ آپس میں اتحا د کو تقویت ملے گی ۔رحمت علی حسنی نے کہا کہ ہم خودمختاری اور صلاحیت پر یقین رکھتے ہیں۔ ون ڈے انٹرنیشنل کے ساتھ ہماری وابستگی تمام شعبہ ہائے زندگی سے تعلق رکھنے والی خواتین کے شاندار کردار کا اعتراف اور ان کی فلاح وبہبود کے عزم کا ثبوت ہے۔ہم ایک ایسے روشن مستقبل کا تصوررکھتے ہیں جہاں ہر لڑکی کو چاہے وہ پاکستان ، جنوبی افریقہ یا دنیا کسی بھی حصہ میں ہو، اسے اپنے خوابوں کی تعبیرکیلئیکھیل اورتعلیم سمیت ہرشعبہ زندگی میں حوصلہ افزائی ملے۔
انہوں نے کھیل کیلئے دونوں ٹیموں کی کیپٹنز، کھلاڑیوں اور مینجمنٹ کے غیر متزلزل عزم پر اظہار تشکر کرتے ہوئے باصلاحیت نوجوانوں کیلئے این بی پی معاونت کا اظہار کیا
