اسلام آباد (نمائندہ خصوصی) پاکستان مسلم لیگ ن کی سینیئر نائب صدرا ور چیف ارگنائزر مریم نواز سے پاکستان میں امریکی سفیر ڈونلڈ بلوم نے ان کی مری میں واقع رہائش گاہ پر ملاقات کی۔ملاقات کے دوران لیگی رہنما اور امریکی سفیر نے پاکستان اور امریکا کے درمیان تاریخی، دیرینہ دوطرفہ تعلقات کی اہمیت پر تبادلہ خیال کیا۔دوران گفتگو تجارت، معیشت، سلامتی، امن اور علاقائی استحکام سمیت مختلف شعبوں میں باہمی تعاون کو فروغ دینے کی اہمیت پر زور دیا گیا۔مریم نواز نے کووڈ 19 کے مشکل وقت کے ساتھ ساتھ تباہ کن سیلاب کے دوران پاکستان کی امداد کیلیے امریکا اور ڈونلڈ بلوم کی کوششوں کو سراہا۔
