ٹھٹھہ( نمائندہ خصوصی)
نگران وزیر داخلہ سندھ بریگیڈئیر (ر) حارث نواز نے کراچی اور اندرون سندھ جلد بڑے آپریشن کا اعلان کردیا۔مکلی بائی پاس پر میڈیا سے گفتگو میں حارث نواز کا کہنا تھاکہ کراچی اور اندرون سندھ میں بڑی کارروائیوں کی تیاری کر رہے ہیں، آج کل میں نئے افسران آجائیں گے جس کے بعد آپریشن ہوگا۔انہوں نے کہا کہ ہم باکردار اور اچھے لوگوں کو لگا رہے ہیں جس کے بعد سندھ میں امن آجائےگا، کراچی سمیت سندھ بھر کو امن کا گہوارہ بنائیں گے اور پورے صوبے میں کارروائیاں ہونگی۔نگران وزیرداخلہ سندھ کا کہنا تھاکہ گھوٹگی، کشمور، جیکب آباد اور کندھ کوٹ میں آپریشن کی تیاری مکمل کرلی ہے۔ان کا کہنا ہے کہ ہم کسی کےخلاف سیاسی انتقامی کارروائی نہیں کررہے ہیں، صحافی جان محمد مہرکے قاتل ہمیں پتاہےکہ کہاں ہیں؟ تبدیلیوں کے بعد آپ کو ایکشن نظرآئےگا۔انہوں نے مزید کہاکہ صاف شفاف الیکشن کرائیں گے جیسے ہی تاریخ ملتی ہے، ہم ہدایات جاری کردیں گے، ہم پرکوئی سیاسی دباؤنہیں، نہ ہم لیں گے۔
