جنوبی وزیرستان،سیکیورٹی فورسز کا آپریشن، ایک دہشتگرد ہلاک

راولپنڈی (نمائندہ خصوصی)جنوبی وزیرستان کے علاقے لدھا میں سیکیورٹی فورسز نے دہشت گردوں کے ٹھکانے کا سراغ لگا کر ایک دہشت گرد کو ہلاک کر دیا۔آئی ایس پی آر کے مطابق سیکیورٹی فورسز اور دہشت گردوں کے درمیان فائرنگ کا تبادلہ ہوا جس میں ایک دہشتگرد ہلاک ہوگیا۔پاک فوج کے شعبہ تعلقات عامہ کے مطابق ہلاک دہشت گرد علاقے میں دہشت گردی کی کارروائیوں میں ملوث تھا۔بیان کے مطابق ہلاک دہشتگرد سے ہتھیار اور اسلحہ برآمد کرلیا گیا ہے،آخری اطلاعات تک علاقے میں دیگر دہشت گردوں کے خاتمے کےلئے کلیئرنس آپریشن جاری تھا۔