نیویارک(نمائندہ خصوصی)عالمی ادارہ صحت نے کورونا کے نئے ویرینٹ ایرس کے حوالے سے دنیا کو خبردار کردیا، ڈبلیو ایچ او نے دنیا کو خبردار کیا ہے کہ کورونا کی احتیاطی تدابیر کو برقرار رکھا جائے۔میڈیارپورٹس کے مطابق ایرس نامی کورونا کے نئے ویرینٹ میں بظاہر دیگر اقسام کے مقابلے میں زیادہ تیزی سے پھیلنے کی صلاحیت ہوتی ہے۔عالمی ادارہ صحت کے مطابق یہ بیماری قوت مدافعت کے خلاف بھی مزاحمت کرسکتی ہے تاہم یہ نئی قسم زیادہ سنگین علامات کا باعث نہیں بنتی۔ماہرین صحت نے اومیکرون ویرینٹ کے ای جی فائیو ایرس ذیلی قسم کی طرف اشارہ کیا ہے جو پہلی بار نومبر 2021 میں ظاہر ہوا تھا۔حالیہ رپورٹ کے مطابق متحدہ امریکہ، یورپ اور ایشیا میں کوویڈ 19 کے انفیکشن اور ہسپتال میں داخل ہونے والے مریضوں کی تعداد میں مسلسل اضافہ ہو رہا ہے۔ڈبلیو ایچ او نے وضاحت کی کہ ای جی فائیو کی دیگر اقسام کے مقابلے میں زیادہ قریب سے نگرانی کی جانی چاہیے کیونکہ یہ زیادہ متعدی یا شدید ہوسکتا ہے۔ڈبلیو ایچ او نے ممالک کو متنبہ کیا کہ کورونا کی نئی ذیلی قسم ایرس جس میں تقریبا اومیکرون جیسی علامات ہیں، کا اب تک 51 ممالک میں پتہ چلا ہے۔ 
کوورنا کا نئی قسم ، عالمی ادارہ صحت نے دنیا کو خبردار کردیا
یہ بیماری قوت مدافعت کے خلاف بھی مزاحمت کرسکتی ہے،عالمی ادارہ صحت
جواب دیں
ہماری ویب سائٹ پر تازہ ترین خبریں حاصل کریں۔
