آذربائیجانی صدر کا مسئلہ کشمیر پر پاکستان کا ساتھ دینے کے عزم کا اظہار

اسلام آباد (نمائندہ خصوصی)آذربائیجان کے صدر الہام علیﺅف نے مسئلہ کشمیر پر پاکستان کا ساتھ دینے کے عزم کا اظہار کرتے ہوئے کہا ہے کہ مسئلہ کشمیر کو حل کرنے کیلئے اقوام متحدہ سمیت ہر بین الاقوامی فورم پر پاکستان کا ساتھ دیں گے۔صدر الہام علیﺅف نے کہا کہ پاکستان نے آج تک آذر بائیجانی زمینوں پر قبضے کے باعث آرمینیا کے ساتھ سفارتی تعلقات نہیں بنائے، ہم مسئلہ کشمیر کو حل کرنے کیلئے اقوام متحدہ سمیت ہر بین الاقوامی فورم پر پاکستان کا ساتھ دیں گے۔آذربائیجانی صدر الہام علیﺅف نے پاکستان کے ساتھ اپنے دیرینہ تعلقات کو سراہتے ہوئے دونوں ممالک کے درمیان اقتصادی، دفاعی، فوجی اور دوطرفہ تعلقات پر زور دیا۔صدر الہام علیﺅف نے ہر آفت اور کٹھن وقت میں مدد اور تعاون کرنے پر پاکستان کا شکریہ ادا کیا۔انہوںنے کہاکہ پاکستان، آذربائیجان اور ترکیہ کے باہمی تعلقات سے تینوں ممالک مستفید ہوئے ہیں۔