لاہور(نمائندہ خصوصی) پاکستان تحریک انصاف کی کورکمیٹی نے چیئرمین پی ٹی آئی کی گرفتاری کے خلاف ملک گیر پر امن احتجاج کی کال دیتے ہوئے کہا ہے کہ تحریک انصاف کے کارکنان عوام کے ساتھ مل کر مکمل نظم و ضبط اور آئین و قانون کے دائرے میں رہ کر احتجاج کریں، عدالت عظمی سے اپیل ہے کہ تحریک انصاف کی نظر ثانی درخواست کی بلاتاخیر سماعت کی جائے ۔وائس چیئرمین شاہ محمود قریشی کی زیر صدارت کور کمیٹی کا ہنگامی اجلاس ہوا جس میں توشہ خانہ کیس میں ایڈیشنل ڈسٹرکٹ اینڈ سیشن جج کے فیصلے اور چیئرمین تحریک انصاف کی گرفتاری پر تفصیلی تبادل خیال کیا گیا ۔اجلاس کے اعلامیہ میں کہا گیا کہ چیئرمین پاکستان تحریک انصاف کی ہدایات کی روشنی میں تنظیمی و سیاسی حکمت عملی پر عملدرآمد کا آغاز کر دیا گیا ۔ٹھوس شواہد کے باوجود ایک متعصب جج کے نہایت ناقص فیصلے کو پوری قوم نے مسترد کیا ہے، پہلے سے طے شدہ منصوبے کے تحت ایک جعلی ٹرائل کے ذریعے فیصلہ سنایا گیا اور چیئرمین تحریک انصاف کو گرفتار کیا گیا، چیئرمین تحریک انصاف کی طے شدہ منصوبے کے تحت گرفتاری پر پوری قوم میں شدید ردِعمل کی کیفیت ہے، معزز سپریم کورٹ چیئرمین پی ٹی آئی کے خلاف فیصلے کی اپیل پر بلاتاخیر سماعت کرے، تحریک انصاف کی اپیل کو چھٹیوں اور دیگر معمولات کا لحاظ کئے بغیر ترجیحی بنیادوں پر سماعت اور فیصلے کیلئے مقرر کیا جائے۔ اعلامیے میں کہا کہ پاکستان کا آئین پرامن احتجاج کا حق دیتا ہے، تحریک انصاف کے کارکن اس بے انصافی کے خلاف ملک گیر احتجاج کریں گے، تحریک انصاف اپنے چیئرمین کی تلقین و ہدایات کی روشنی میں مکمل طور پر پرامن اور آئین و قانون کے دائرے میں رہ کر احتجاج کرے گی، تحریک انصاف کے کارکنان عوام کے ساتھ مل کر مکمل نظم و ضبط اور آئین و قانون کے دائرے میں رہ کر احتجاج کریں۔ اعلامیے میں مزید کہا گیا کہ اپنے قائد کو ظلم کے شکنجے اور ظالم کی قید سے رہائی دلوانے کیلئے بھرپور قانونی لڑائی لڑیں گے، قوم کے معتبر اور محبوب ترین قائد کو رہا کروائیں گے جو پہلے کی طرح پورے عزم و استقلال سے حقیقی آزادی کی تحریک کی قیادت کریں گے، پوری قوم ملک میں جاری ظلم و فسطائیت کے خلاف پی ٹی آئی چیئرمین کی ہم آواز، آئین و جمہور دشمن سازشیوں کے خلاف کھڑی ہے، تحریک انصاف کے ذمہ داران چیئرمین کی ہدایات کی روشنی میں سفاک امپورٹڈ سرکار کے ہاتھوں گرفتار ہوئے بغیر سیاسی و تنظیمی حکمت عملی آگے بڑھائیں گے۔
تحریک انصاف کی کورکمیٹی کی چیئرمین پی ٹی آئی کی گرفتاری کےخلاف ملک گیر پر امن احتجاج کی کال
کارکنان عوام کے ساتھ مل کر آئین و قانون کے دائرے میں رہ کر احتجاج کریں، وائس چیئرمین شاہ محمود قریشی کی زیر صدارت کور کمیٹی کا ہنگامی اجلاس
پچھلی پوسٹ
بھارت کے غیرقانونی اقدامات مسترد کرتے ہیں ‘پاکستان کشمیریوں کی حمایت جاری رکھے گا، بھارت 5 اگست 2019 کے بعد کی کارروائیوں کو واپس لے، شہباز شریف
اگلی پوسٹپاکستان تحریکِ انصاف کے چیئرمین عمران خان کو ان کی آبائی رہائش گاہ ’قلعہ زمان پارک ‘ سے گرفتار کرکے اڈیالہ جیل منتقلی موٹروے پر سرکاری گاڑیوں نے فراٹے بھرنے شروع کردیے تھے اور پیچھے گھر میں مکمل خاموشی تھی ، صرف پولیس کچھ صحافی اور اڑتے پرندوں کی آوزیں آرہیں تھیں
جواب دیں
ہماری ویب سائٹ پر تازہ ترین خبریں حاصل کریں۔
