کراچی(نمائندہ خصوصی) پی آئی اے کا حج آپرشن 2023 اختتام پذیرہوگیا،پی ائی اے کا 21 مئی کو شروع ہونا والا حج آپریشن 2 اگست کی شب مکمل ہوگیا۔ترجمان کے مطابق پی آئی اے کا قبل از حج آپریشن 21 مئی سے شروع ہوا اور 22جون تک جاری رہا۔بعد از حج آپریشن 2جولائی سے شروع ہوا اور 2 اگست کو اختتام پذیر ہوگیا۔بعد از حج آپریشن میں کل 258 پروازیں آپریٹ کی گئیں جس میں جدہ کے لیئے 136 اور مدینہ کے لیے 122 پروازیں آپریٹ ہوئیں۔ترجمان کے مطابق حج آپریشن میں پی آئی اے کے شیڈول کی باقاعدگی شاندار رہی۔96 فیصد پروازیں وقت پر یا وقت سے تھوڑا قبل روانہ ہوئیں جو کہ حج آپریشن میں شامل تمام ائیرلائنز سے بہتر تھیں´ترجمان کے مطابق پی آئی اے کی حج پروازوں سے کل 61,461 حجا ج کرام مقدس فریضے کی ادائیگی کے بعد وطن واپس پہنچے۔انہوں نے بتایاکہ حجاج کرام کیلئے سٹی چیک ان کا بندوبست بھی کیا گیا تھا جس سے ان کو کئی گھنٹے قبل ائیرپورٹ پہنچنے کی زحمت نہیں ہوئی۔ترجمان کے مطابق سی ای او پی ائی اے نے حج آپریشن میں شامل ٹیموں کی کارکردگی کو سراہا۔سی ای او نے کہاکہ مشکل حالات کے باوجود حج آپریشن اعلی طریقے سے منظم کیا گیا جس کے لئے پاکستان اور سعودیہ عرب میں موجود ٹیمیں قابل ستائش ہیں 
پی آئی اے کا حج آپرشن 2023 اختتام پذیرہوگیا
جدہ کے لیئے 136 اور مدینہ کے لیے 122 پروازیں آپریٹ ہوئیں،ترجمان
جواب دیں
ہماری ویب سائٹ پر تازہ ترین خبریں حاصل کریں۔
