اسلام آباد(نمائندہ خصوصی ) وزیراعظم محمد شہباز شریف کی زیر صدارت ہونیوالے وفاقی کابینہ کے اجلاس کااعلامیہ جاری کردیا گیا۔کابینہ نے احتساب عدالتوں کی تنظیم نو سمیت 12 ایجنڈا آئٹمز کی منظوری دےدی ،وفاقی کابینہ نے کابینہ کمیٹی برائے نجکاری کے 10جولائی 2023 کو منعقد ہونےوالے اجلاس کے فیصلوں کی توثیق کی،وزیراعظم کا کہنا ہے کہ حکومت ملک میں براہ راست بیرونی سرمایہ کاری بڑھانے کے لیے Whole of the Government پالیسی پر عمل درآمد کررہی ہے، آذربائیجان اور پاکستان کے درمیان ایل این جی کا معاہدہ پاکستان کی توانائی سلامتی کےلئے بھی ایک اہم سنگِ میل ثابت ہوگا ۔وزیراعظم محمد شہباز شریف کی زیرِ صدارت وفاقی کابینہ کا اجلاس بدھ کووزیراعظم ہاوس اسلام آبا دمیں منعقد ہوا۔وفاقی کابینہ نے وزارتِ انفارمیشن ٹیکنالوجی کی سفارش پر صارفین کے ڈیٹا کے تحفظ اور انفارمیشن سسٹم کے ناجائز وغیر قانونی استعمال کی روک تھام کے لیے ای سیفٹی بل 2023 کی اصولی منظوری دے دی۔ پاکستان میں تمام قسم کی آن لائن سروسز، آن لائن خریداری، مختلف کمپنیوں کو دیئے جانے والے کوائف اور سماجی رابطوں کی ویب سائٹس پر صارفین کے ڈیٹا کو محفوظ کرنے اور اِس کے بغیر اجازت استعمال کو یقینی بنانے کے لیے اس قانون کے تحت ایک جامع فریم ورک بنایا جا ئے گا۔ بل کی منظوری کے بعد آن لائن ہراسمنٹ ، سائبر بلنگ ، بلیک میلنگ جیسے گھناونے جرائم کو موثر طریقے سے روکا جاسکے گا۔ وفاقی کابینہ نے وزارتِ انفارمیشن ٹیکنالوجی اینڈ ٹیلی کمیونیکیشن کی سفارش پر Personal Data Protection Bill 2023 کی بھی اصولی منظوری دے دی۔ اس بل کے تحت حکومت مختلف ادارے اور کمپنیاں، صارف کے ذاتی کوائف / ڈیٹا کی حفاظت یقینی بنائیں گی اور ان کی اجازت کے بغیر کسی بھی کمپنی، فرد یا حکومتی ادارے کو صارف کی اجازت کے بغیر ا±س کے کوائف/ ڈیٹا دینے پر پابندی لگائے گی۔ قانون کے تحت صارفین کے نجی کوائف/ ڈیٹا کو محفو ظ کرنے اور شکایات کے ازالے کے لیے نیشنل کمیشن فار پرسنل ڈیٹا پروٹیکشن (NCPDP) کا قیام عمل میں لایا جائے گا جو ایک دیوانی عدالت کی حیثیت رکھے گا۔وفاقی کابینہ نے پاکستان میں بیرونی سرمایہ کاری کے فروغ کے لیے سرمایہ کاری بورڈ آرڈیننس2001 کے ترمیمی بل کے مسودے منظوری دے دی۔ اس ترمیم کے تحت خصوصی سرمایہ کاری سہولت کونسل(SIFC) کو بااختیار بنانے کے ساتھ ساتھ اس کے بنیادی ڈھانچے، کام کے طریقہ کار اور مختلف وزارتوں و صوبائی حکومتوں کے ساتھ تعاون کے طریقہ کار کو بھی وضع کرئے گا۔ قانون کی منظوری کے بعد خصوصی سرمایہ کاری سہولت کونسل (SIFC) ملک میں بیرونی سرمایہ کاری کے منصوبوں پر تیزی سے عمل درآمد کو یقینی بنا سکے گی۔ وفاقی کابینہ نے وزارتِ انسداد منشیات کی سفارش پر قومی بھنگ پالیسی کے مندرجات کو حتمی شکل دینے کے لیے وفاقی وزیر دفاع خواجہ محمد آصف کی سربراہی میں ایک وزارتی کمیٹی قائم کردی یہ کمیٹی اپنی سفارشات کو حتمی شکل دے کرکابینہ کے آئندہ اجلاس میں اپنی سفارشات پیش کرئے گی۔ وفاقی کابینہ نے وزارت ِ قانون و انصاف کی سفارش پر احتساب عدالتوں کی تنظیمِ نوکی منظوری دے دی جس کے تحت 11 احتساب عدالتوں کو 7 بینکنگ کورٹس 2 کو ایک اسپیشل کورٹ سینٹرل اور ایک اسپیشل کورٹ بلوچستان میں تبدیل کیا جائے گا۔ اس تنظیم نو پر کوئی اضافی اخراجات نہیں آئیں گے۔وفاقی کابینہ نے سوئی ناردرن گیس پائپ لائن (SNGPL) کے بورڈ آف ڈائریکٹرز کی تشکیل نو کی منظوری دے دی ۔وفاقی کابینہ نے اسلام آباد ہیلتھ کیئر ریگولیٹری اتھارٹی کے سلیکشن کمیٹی کے ممبران کی تقرری کی منظوری دے دی۔ وفاقی کابینہ نے وزارتِ موسمیاتی تبدیلی کی سفارش پر کی منظوری دے دی۔ پلان کے تحت حکومت دیگر شراکت داروں کے ساتھ مل کرموسمی خطرات سے دوچارکمیونٹیز کو موسمیاتی تبدیلی کے مضر اثرات سے بچانے کے لیے ایسے اقدامات کرے گی جس سے نہ صرف خطرات سے پیشگی اطلاع بلکہ کسی ہنگامی صورتحال سے نپٹنے کے لیے موثر اقدامات شامل ہوں گے۔ وفاقی کابینہ نے وزارتِ موسمیاتی تبدیلی کی سفارش پراسلام آباد میں جنگلی حیات و قدرتی اثاثوں کے تحفظ کے لیے کو کابینہ کمیٹی برائے لیجسلیٹو کیسز (CCLC)میں بھجوانے کی منظوری دے دی۔ وفاقی کابینہ نے وزارتِ داخلہ کی سفارش پر ایگزٹ کنٹرول لسٹ (ECL) میں نام ڈالنے اور نکالنے کی منظوری دے دی۔ مزید برآں کابینہ نے اس اَمر کی بھی منظوری دی کہ اگرپاسپورٹ کنٹرول لسٹ اور ایگزٹ کنٹرول لسٹ میں ناموں کی شمولیت کی وجہ ایک ہی ہو توایگزٹ کنٹرول لسٹ سے نام نکالنے کے ساتھ ساتھ پاسپورٹ کنٹرول لسٹ میں سے بھی نام نکالا جائے گا۔ وفاقی کابینہ نے اقتصادی رابطہ کمیٹی کے 24 جولائی 2023 کو منعقد ہونے والے اجلاس میں کیے گئے فیصلوں کی توثیق کردی۔ کابینہ نے کابینہ کمیٹی برائے لیجسلیٹو کیسز سکے6، 7،21 اور25 جولائی 2023 کو منعقد ہونے والے اجلاسوں میں کیے گئے فیصلوں کی توثیق کی ۔ وفاقی کابینہ نے کابینہ کمیٹی برائے نجکاری کے 10جولائی 2023 کو منعقد ہونے والے اجلاس میں کیے گئے فیصلوں کی توثیق کی،فاقی کابینہ نے کابینہ کمیٹی برائے بین الحکومتی تعاون کے 10جولائی 2023 کو منعقد ہونے والے اجلاس میں کیے گئے فیصلوں کی توثیق کی۔اجلا س میں وزیراعظم شہباز شریف نے اظہار خیال کرتے ہوئے کہاکہ حکومت ملک میں براہ راست بیرونی سرمایہ کاری بڑھانے کے لیے Whole of the Government پالیسی پر عمل درآمد کررہی ہےجس کامقصد ملک میں بیرونی سرمایہ کاری سے منصوبوں کو برق رفتاری سے عملی جامع پہنانا ہے۔ وزیراعظم نے وزیرِ مملکت برائے پٹرولیم ڈاکٹر مصدق ملک کی آذربائیجان کے ساتھ LNG معاہدے کو حتمی شکل دینے کی کامیاب کوششوں پر ان کی تعریف کی اور کہا کہ یہ معاہدہ نہ صرف آذربائیجان اور پاکستان کے درمیان تجارتی تعلقات کے فروغ کی سمت میں ایک اہم قدم بلکہ پاکستان کی توانائی سلامتی کے لیے بھی ایک اہم سنگِ میل ثابت ہوگا۔ 
