اسلام آباد (این این آئی)نیا مالی سال 24-2023ءشروع ہوتے ہی ترقیاتی فنڈز کا اجراءشروع ہو گیا۔وزارتِ خزانہ کے مطابق 959 ارب روپے کے ترقیاتی پروگرام سے 142 ارب 50 کروڑ روپے جاری کر دیے گئے ۔پارلیمنٹرینز کی ترقیاتی اسکیموں کے لیے 61 ارب 26 کروڑ روپے، مقامی ترقیاتی پروگرام کے لیے 131 ارب روپے جاری کیے گئے ہیں۔بیرونی ترقیاتی معاونت کی مد میں 11 ارب 50 کروڑ روپے جاری کیے گئے ہیں جبکہ ابتدائی 3 ماہ میں مزید 69 ارب 74 کروڑ روپے دستیاب ہوں گے۔موجودہ مالی سال پبلک پرائیویٹ پارٹنر شپ کے تحت 200 ارب روپے اضافی خرچ ہوں گے، اس سال مجموعی طور پر 1150 ارب روپے کا وفاقی ترقیاتی پروگرام منظور کیا گیا ۔وزارتِ خزانہ کے مطابق 20 ارب 26 کروڑ روپے پچھلے سال کے رہتے تھے وہ جاری ہوئے ہیں، نئے بجٹ میں سے بھی ارکانِ پارلیمنٹ کے لیے 41 ارب روپے جاری ہوئے ہیں، ک±ل61 ارب 26 کروڑ روپے جاری کیے گئے ہیں۔وزارتِ خزانہ کے مطابق ایس ڈی جیز کے لیے اس سال 90 ارب روپے رکھے گئے ہیں۔
نیا مالی سال 24-2023ءشروع ہوتے ہی ترقیاتی فنڈز جاری
جواب دیں
ہماری ویب سائٹ پر تازہ ترین خبریں حاصل کریں۔
