لاہور( این این آئی)انٹرنیشنل رائیڈ سروس یانگو نے لاہور میں آفیشل لانچ ایونٹ کا انعقاد کیا۔ اس موقع پر تقریب کی مہمان خصوصی وزیراعظم کی معاون خصوصی برائے امور نوجوانان شیزہ فاطمہ خواجہ نے خطاب کرتے ہوئے کہا کہ یانگو لاہور اور اسلام اباد میں کامیابی سے سروس فراہم کر رہی ہے۔ یانگو کا مقصد پاکستان کے لوگوں کو ایک آسان پبلک ٹرانسپورٹ مہیا کرنا ہے۔یانگو پاکستان کے کنٹری منیجر فیصل افتخار نے پاکستان میں سروس کے آغاز کے بارے میں بتاتے ہوئے کہا کہ یانگو مسافروں کے لیے محفوظ اور کم قیمت سفر اور ڈرائیوروں کے لیے قابل اعتماد اور مستحکم آمدنی فراہم کرے گا۔ ہمارا مقصد ڈرائیوروں، صارفین اور معاشرے کو فائدہ پہنچانا ہے۔ ہم بہتر راستوں کے لیے سمارٹ ٹیکنالوجی کا استعمال کرتے ہیں۔ ہم نے لاہور، راولپنڈی اور اسلام آباد میں اپنی سروس کا کامیابی سے تجربہ کیا ہے اور ملک میں اپنی موجودگی کے دو ماہ سے بھی کم عرصے میں، ہم نے پہلے ہی 50 سے زیادہ مقامی ٹرانسپورٹیشن فراہم کنندگان کے ساتھ شراکت داری کی ہے۔ یانگو کی مانگ میں ہماری توقعات سے بھی زیادہ خاطر خواہ اضافہ دیکھا گیا ہے۔ ہمارا مقصد اس سے بھی آگے بڑھنا ہے۔یانگو پہلے ہی یوروپ، مشرق وسطی اور امریکہ میں ٹرانسپورٹ کے شعبے میں ایک کامیاب ادارے کے طور پر کام کر رہا ہے، جس میں متحدہ عرب امارات، ناروے، فن لینڈ، بولیویا اور الجیریا جیسے ممالک شامل ہیں۔اس کے بعد، یانگو نے اپنی نظریں جنوبی ایشیائی آبادی پرمرکوز کر رکھی ہیں کیونکہ اس کا مقصد پاکستان سے شروع ہوکر خطے میں سروس کی مزید توسیع کرنا ہے۔ یہ سروس عالمی سطح پر بیس سے زائد ممالک میں کام کر رہی ہے اور اب یہ محفوظ، اور سرمایہ کاری کا موثر اطلاق پاکستانی معیشت میں لا رہی ہے۔