نیویارک (نیوز ڈیسک )اقوام متحدہ کی انسانی حقوق کونسل کے 53 ویں اجلاس میں چین کی جانب سے پیش کی گئی ایک قرارداد منظور کر لی گئی ہے جس میں انسانی حقوق سے لطف اندوز ہونے میں ترقی کے کردار پر زور دیا گیا تھا۔چینی میڈیا کے مطابق قرارداد میں تمام تر انسانی حقوق سے استفادہ کیلئے ترقی کے اہم کردار کی توثیق کی گئی ہے اور عالمی برادری پر زور دیا گیا کہ وہ وبائی بحران کے بعد بحالی کے عمل میں 2030 ایجنڈے کے نفاذ میں نئے چیلنجز کا حل تلاش کریں اور پائیدار ترقی کےلئے عالمی شراکت داری اور بین الاقوامی تعاون کو مو¿ثر طریقے سے مضبوط کر کے اعلیٰ معیار کی ترقی میں انسانی حقوق اور بنیادی آزادیوں کو فروغ دیں اور تحفظ فراہم کریں۔ پاکستان، متحدہ عرب امارات، سوڈان، ہونڈوراس اور دیگر ممالک نے چین کی جانب سے اس اہم قرارداد کو پیش کرنے کے عمل کو سراہتے ہوئے قائدانہ کردار پر چین سے اظہار تشکر کیا اور کہا کہ قرارداد کی منظوری ترقی پذیر ممالک کی مشترکہ امنگوں کی مکمل عکاسی کرتی ہے جس سے تمام ممالک کو وبا کے بعد بحالی کے عمل میں مختلف چیلنجز سے نمٹنے اور معاشی و سماجی ترقی میں انسانی حقوق کو بہتر طور پر فروغ دینے اور تحفظ فراہم کرنے میں مدد ملے گی۔
اقوام متحدہ میں انسانی حقوق بارے چین کی پیش کردہ قرارداد کی منظوری
عالمی برادری بحالی کے عمل میں 2030 ایجنڈے کے نفاذ میں نئے چیلنجز کا حل تلاش کرے‘ قرار داد
جواب دیں
ہماری ویب سائٹ پر تازہ ترین خبریں حاصل کریں۔
