سی ٹی ڈی کے مختلف شہروں میں انٹیلی جنس بیسڈ آپریشن ،5 دہشتگرد گرفتار

لاہور (نمائندہ خصوصی ) کاﺅنٹر ٹیر ر ازم ڈیپارٹمنٹ نے پنجاب کے مختلف شہروں میں انٹیلی جنس بیسڈ آپریشن کر کے 5 دہشتگردوں کو گرفتار کر لیا ،گوجرانوالہ سے داعش کے اہم کمانڈر کو ساتھی سمیت گرفتار کر لیا گیا ۔ ترجمان سی ٹی ڈی کے مطابق انٹیلی جنس بیسڈ کارروائیاں گوجرانوالہ اور ملتان میں کی گئیں۔ دہشتگردوں کی شناحت حنیف ،سید عرف سیدو ، طارق ، خالد اور عبدالستار کے نام سے ہوئی ہے ۔دہشتگردوں سے بارودی مواد ،ڈیٹو نیٹر ، موبایل فون ،اسلحہ اور افغانستان کے شناحتی کارڈ برآمد کئے گئے ہیں۔سی ٹی ڈی حکام کے مطابق دہشتگردوں کے خلاف مقدمات درج کرکے تفتیش جاری ہے ۔ رواں ہفتے200 کومبنگ آپریشنز کے دوران 46 مشتبہ افراد گرفتار کیے گئے،کومبنگ آپریشنز میں 10755 افراد سے پوچھ کچھ کی گئی ۔