ریاض(نیٹ نیوز )
سعودی عرب نے حج کی تکمیل کے سرٹیفکیٹ کا آن لائن اجراء شروع کردیا۔گلف نیوزکے مطابق سعودی عرب نے کہا ہے کہ عازمین حج کے لیے سالانہ حج کی تکمیل کا سرٹیفکیٹ آن لائن جاری کیا جا سکتا ہے،اس حوالے سے مملکت کی وزارت حج وعمرہ نے وزارت نے ایپ کے ذریعہ سرٹیفکیٹ حاصل کرنے کے اقدامات کی فہرست دیتے ہوئے کہا ہے کہ سرٹیفکیٹ حاصل کرنے کے خواہشمند عازمین نسک ایپ کو ڈاؤن لوڈ کرکے اور اپنی پسند کی دستاویزکے ڈیزائن کا انتخاب کرکے سرٹیفکیٹ جاری کرسکتے ہیں۔بتایا گیا ہے کہ اس سال کے حج نے عازمین کی تعداد کی ان کی وبائی بیماری کورونا سے پہلے کی سطح پرواپسی کی نشاندہی کی،کیوںکہ سعودی عرب نے اس سال کے حج کے لیے دنیا بھرسے آنے والے عازمین کی تعداد اورعمروں کی حد کو ختم کر دیا تھا جب کہ کوویڈ 19 نے مسلسل تین سال تک عازمین کی تعداد میں کمی پر مجبور کیا تھا۔سعودی سرکاری اعداد و شمار سے معلوم ہوا ہے کہ تقریباً 1.8 ملین عازمین، جن میں 1.6 ملین بیرون ملک سے ہیں، انہوں نے اس سال سعودی مقدس شہرمکہ مکرمہ اور اس کے اطراف میں حج میں شرکت کی،مناسک حج کی تکمیل کے بعد بہت سے بیرون ملک مقیم عازمین عام طورپرمسجد نبوی ﷺ میں نمازادا کرنے کے لیے مدینہ کے مقدس شہراور وہاں کے دیگر اسلامی مقامات کا دورہ کرنے کے لیے آتے ہیں،مناسک حج کے اختتام کے بعد سے مختلف قومیتوں کے 2 لاکھ 22 ہزار سے زائد عازمین ہفتہ تک مدینہ منورہ پہنچ چکے ہیں۔
