گھوٹکی (نمائندہ خصوصی )گھوٹکی میں ساوند اور سندرانی قبائل کے مابین جاری دیرینہ دشمنی پر سندرانی قبائل کے مسلح افراد نے حملہ کر کے بچی سمیت 3 افراد کو قتل کر دیا۔پولیس کے مطابق اے سیکشن تھانہ کی حدود میں واقعہ کلمہ چوک میں سندرانی قبیلے نامعلوم مسلح افراد نے ساوند برادری کی دوکانوں پر اندھادھند فائرنگ کر دی جس کے نتیجے میں کمسن بچی سمیت تین افراد جان سے گئے۔حکام کے مطابق جاں بحق ہونے والوں میں دکاندار 36 سالہ غوث بخش ساوند اور 10 سالہ بچی بشیراں ساوند، اور راہگیر علی اصغر شامل ہیں، ملزمان واردات کے بعد فرار ہوگئے۔پولیس نے جائے وقوع پر پہنچ کر لاشیں تحویل میں لیکر پوسٹ مارٹم کے لئے ہسپتال منتقل کر دیں پولیس کے مطابق واقعہ سندرانی اور ساوند قبائل کے مابین جاری دیرینہ دشمنی کا نتیجہ ہے۔
