شرجیل میمن سے ایرانی وفد کی ملاقات،زائرین کے مسائل پر گفتگو

کراچی ( نمائندہ خصوصی)سندھ کے وزیرِ اطلاعات شرجیل انعام میمن سے ایران کے وفد نے ملاقات کی ہے۔ملاقات میں ایرانی وفد نے شرجیل انعام میمن سے زائرین کے مسائل و مشکلات پر گفتگو کی۔اس موقع پر ایرانی وفد نے کہا کہ چاہتے ہیں کہ زائرین کو کسی قسم کی مشکلات کا سامنا نہ کرنا پڑے۔انہوں نے یہ بھی کہا کہ ہماری کوشش ہو گی کہ ایران آنے والے زائرین کے لیے آسانیاں پیدا کریں۔ملاقات کے دوران شرجیل میمن نے کہا کہ زائرین کے لیے ایرانی حکومت کے اقدامات کو قدر کی نگاہ سے دیکھتے ہیں۔