لوئر کوہستان (نمائندہ خصوصی ) لوئر کوہستان میں سیاحوں کی گاڑی کھائی میں گر گئی جس کے نتیجے میں 6 افراد جاں بحق اور 4 زخمی ہوگئے۔اس حادثے میں ایک خاتون اور بچے سمیت 6افراد جاں بحق جبکہ 2بچوں سمیت 4افرادزخمی ہوئے۔ حادثہ رات گئے اس وقت پیش آیا جب گاڑی بشام سے کولی پالس جا رہی تھی کہ کھائی میں گر گئی، پولیس کا کہناہے کہ حادثے کی وجوہات معلوم نہیں ہو سکی ہیں۔حادثے میں زخمی ہونے والوں کو ابتدائی طبی امداد فراہم کرکے تحصیل ہسپتال پٹن منتقل کر دیا گیا جبکہ مقامی افراد نے جاں بحق ہونے والوں کو ان کے ورثاءکے حوالے کر دیا۔
