اسلام آباد (نمائندہ خصوصی ) شمالی علاقوں میں گرمی کی شدید لہر اور مقبوضہ کشمیر میں طوفانی بارشوں کی پیشنگوئی کر دی گئی۔ذرائع کے مطابق دریاوں میں پانی کے بہاو کا گزشتہ دس سال کا ریکارڈ ٹوٹنے سے دریائے سندھ، جہلم اور چناب میں سیلاب کا خدشہ پیدا ہو گیا، گزشتہ دس سال میں ان دنوں دریاوں میں پانی کا بہاو3 لاکھ 28 ہزار کیوسک تک رہا، آج دریاوں میں پانی کا مجموعی بہاو 5 لاکھ 6 ہزار کیوسک ہے، صورتحال یہی رہی تو دریاوں میں پانی کا بہاو 7 لاکھ کیوسک تک جاسکتا ہے۔دریائے سندھ میں پانی کا بہاو دو لاکھ 80 ہزار کیوسک ہو چکا ہے، دریائے جہلم میں پانی کا بہاو ایک لاکھ 22 ہزار کیوسک تک پہنچ چکا ہے، مون سون کی بارشیں غیر متوازن ہوسکتی ہیں جس کے باعث دریائی سیلاب آ سکتے ہیں، بارشوں کی کیفیت کہیں زیادہ کہیں کم ہونے کا امکان ہے، فی الاحال منگلا اور تربیلا میں پانی ذخیرہ کرنے کی کافی صلاحیت موجود ہے۔ذرائع آبی وسائل کے مطابق بعض مقامات پر کلاوڈ برسڈ کا خدشہ موجود ہے، دریاو
ں کے نشیبی علاقوں میں سیلابی کیفیت پیدا ہوسکتی ہے، سیلابی خدشے کے پیش نظر پی ڈی ایم اے اور ضلعی انتظامیہ کو الرٹ جاری کر دیا گیا، سیلابی کیفیت سے نمٹنے کیلئے فیڈرل فلڈ کمیشن میں مانیٹرنگ سیل قائم کر دیا ہے۔
ملک بھر میں ریکارڈ بارشیں، دریاﺅں میں پانی کے بہاو میں اضافہ، سیلاب کا خدشہ
شمالی علاقوں میں گرمی کی شدید لہر اور مقبوضہ کشمیر میں طوفانی بارشوں کی پیشنگوئی ، دریاوں میں پانی کے بہاو\کا گزشتہ دس سال کا ریکارڈ ٹوٹ گیا دریاوں میں پانی کا مجموعی بہاو 5 لاکھ 6 ہزار کیوسک ہے، صورتحال یہی رہی تو دریاوں میں پانی کا بہاو 7 لاکھ کیوسک تک جاسکتا ہے، ذرائع
جواب دیں
ہماری ویب سائٹ پر تازہ ترین خبریں حاصل کریں۔
