کراچی(نمائندہ خصوصی) میئر کراچی بیرسٹرمرتضی وہاب نے علی الصبح شہرکے مختلف علاقوں کا دورہ کیا اور صفائی ستھرائی کے کاموں کا جائزہ لیا۔تفصیلات کے مطابق نو منتخب میئرکراچی بیرسٹرمرتضی وہاب صبح کے وقت شہر کے مختلف علاقوں کے دورے کے لیے نکل پڑے جہاں انھوں نے نہ صرف صفائی ستھرائی کے کاموں کاجائزہ لیا بلکہ سڑکوں کا بھی معائنہ کیا۔اس دوران شہر کے مختلف ایریاز میں سندھ سالڈ ویسٹ کی ٹیمیں صفائی کے کاموں میں مصروف نظر آئیں، مرتضی وہاب نے میڈیا سے گفتگو میں کہا کہ مختلف مقامات پر عملہ صفائی کے کاموں میں مصروف پایا گیا۔میئرکراچی نے عملے کو ہدایت دیتے ہوئے کہا کہ ہمیں محنت و لگن کے ساتھ شہر کی خدمت کرنا ہے، انھوں نے کہا کہ صفائی ستھرائی کے حوالے سے شکایات 1128 پر درج کروائی جاسکتی ہیں۔
