ریاض ( نمائندہ خصوصی) سعودی وزیرِ حج و عمرہ ڈاکٹر توفیق الربیعہ نے 160 سے زیادہ ملکوں کے 20 لاکھ سے زیادہ عازمینِ حج کو خوش آمدید کہتے ہوئے کہاہے کہ 17 لاکھ عازمین نے حج پر آنے کے لیے فضائی سفر کی بکنگ کرائی۔یہ بات انہوں نے شاہ سلمان بن عبدالعزیز کی زیرِ صدارت سعودی کابینہ کے اجلاس میں کہی ۔سعودی میڈیا کے مطابق اجلاس میں سعودی کابینہ نے دنیا بھر سے حج پر آنے والوں کا خیر مقدم کیا ہے۔سعودی وزیرِ حج و عمرہ ڈاکٹرتوفیق الربیعہ نے بتایا کہ 17 لاکھ عازمین نے حج پر آنے کے لیے فضائی سفر کی بکنگ کرائی۔انہوں نے سعودی کابینہ کو بتایا کہ سعودی حکام نے عازمینِ حج کے لیے 32 ہزار شعبہ صحت کے اہلکار مقرر کیے ہیں۔ڈاکٹر توفیق الربیعہ نے بتایا کہ منیٰ، مزدلفہ اور عرفات میں ٹرانسپورٹ کے سسٹم کو ماحول دوست بنایا گیا ہے۔انہوںنے کہاکہ مشاعر ٹرین، بس شٹل سروس عازمین کو آمد و رفت کی سہولت فراہم کر رہی ہے۔کابینہ کے اجلاس میں سعودی وزیرِ حج و عمرہ ڈاکٹرتوفیق الربیعہ نے بتایا کہ زائرین کی راحت کے لیے حج کے مقامات پر 130000 سایہ دار درخت لگائے گئے ہیں۔