بدین(نمائندہ خصوصی) طوفان بائپرجوائے کے ٹلنے کے بعد بدین کے ساحلی مرکز زیرو پوائنٹ پر ماہی گیروں کی سرگرمیاں دوبارہ شروع ہو گئی ہیں۔ماہی گیر اپنی کشتیوں کی مرمت اور کشتیوں سے پانی نکالنے میں مصروف ہیں جبکہ کئی ماہی گیر کھلے سمندر میں شکار کے لیے بھی روانہ ہو رہے ہیں۔ڈپٹی کمشنر بدین کے مطابق زیرو پوائنٹ کے ماہی گیروں کو ان کے گھر راشن پہنچائیں گے۔انہوں نے کہا کہ ماہی گیروں کی بستی میں7 ہزار سے زائد افراد میں راشن تقسیم کیا جائے گا۔دوسری جانب سجاول میں سمندری طوفان ختم ہونے کے بعد لوگ اپنے گھروں کو واپس آ گئے۔دیہاتوں اور گھروں میں کاروبارِ زندگی معمول پر آنے لگا۔خواتین کھانا پکانے، بچے کھیل کود اور مرد کاشت کاری میں مصروف ہیں۔سجاول، جاتی، چوہڑ جمالی، شاہ بندر اور کھارو چھان میں موسم معتدل ہے۔
