کراچی(نمائندہ خصوصی) شہر قائد کے ساحل سے طوفان بیپر جوائے 230 کلو میٹر دوری پر ہے، تاہم کراچی میں اربن فلڈنگ کا خدشہ موجود ہے۔حکام نے خبردار کیا ہے کہ سمندری طوفان آج کسی بھی وقت ٹکرا سکتا ہے، طوفان کے باعث کراچی اور حیدر آباد میں تیزہواوں کے ساتھ موسلا دھار بارش وقفے وقفے سے جاری ہے تاہم کراچی میں اربن فلڈنگ کا خطرہ موجود ہے۔حکام کا بتانا ہے کہ طوفان ٹکرانے کے ابتدائی دوگھنٹے خطرناک ہوں گے، بارش وقفے وقفے سے ہفتے تک جاری رہ سکتی ہے۔واضح رہے کہ طوفان کی وجہ سے کراچی کے ساحل پر دفعہ 144 نافذ ہے، سی ویو روڈ بند کر دیا گیا۔کراچی کے علاقے ابراہیم حیدری منوڑہ، کیپ مانٹ اور ہاکس بے کے ساحلوں پر سمندری پانی کی سطح بلند ہوگئی ہے، ہاکس بے کے مقام سمندر ی پانی مچھلی چوک تک آگیا۔
