سکیورٹی فورسز اور دہشتگردوں کے درمیان فائرنگ کا تبادلہ ، ایک دہشتگرد ماراگیا ، دو زخمی

راولپنڈی (نمائندہ خصوصی ) شمالی وزیرستان کے علاقے اسپن وام میں سیکیورٹی فورسز اور دہشت گردوں کے درمیان فائرنگ کا تبادلہ ہواجس کے نتیجے میں ایک دہشت گرد مارا گیا ،قبضہ سے اسلحہ اور گولہ بارود برآمد کرلیاگیا ۔آئی ایس پی آر کے مطابق شمالی وزیرستان کے علاقے اسپن وام میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔سیکیورٹی فورسز کی کارروائی میں ایک دہشت گرد ہلاک ہو گیا ،قبضہ سے اسلحہ اور گولہ بارود برآمد کر لیا گیا ۔آئی ایس پی آر کے مطابق سیکیورٹی فورسز نے مثر طریقے سے دہشت گردوں کے ٹھکانے کا پتہ لگایا اور شدید فائرنگ کے تبادلے کے بعد ایک دہشت گرد کو جہنم واصل کر دیا گیا، جبکہ دو دہشت گرد زخمی ہوئے۔ مارا جانے والا دہشت گرد سیکیورٹی فورسز کے خلاف دہشت گردی کی کارروائیوں کے ساتھ ساتھ معصوم شہریوں کے قتل میں بھی سرگرم رہا۔علاقے کے مقامی لوگوں نے آپریشن کو سراہا اور علاقے سے دہشت گردی کی لعنت کے خاتمے کے لیے بھرپور تعاون کا اظہار کیا۔