کراچی ( نمائندہ خصوصی) سمندری طوفان بائپر جوائے،سندھ بلڈنگ کنٹرول اتھارٹی نے الرٹ جاری کرتے ہوئے کراچی ڈویزن کی 40 عمارتیں مکمل مخدوش قرار دے دی ہیں. ڈائریکٹر جنرل سندھ بلڈنگ کنٹرول اتھارٹی کا مزید کہنا تھا کہ کراچی ڈویژن کی 40 عمارتیں مکمل مخدوش قرار دے دی ہیں، جنکو خالی کروایا جارہا ہے جبکہ 450 عمارتوں کو خطرناک قراربھی دیا گیا.یاسین شر بلوچ کا مزید کہنا تھا سندھ بلڈنگ کنٹرول اتھارٹی اور دیگر ادارے مخدوش عمارتیں خالی کروارہے ییں، خطرناک عمارتوں کو خالی کرانے کا کام مکمل کرلیا گیا ہے، سندھ بلڈنگ کنٹرول اتھارٹی میں رین ایمرجنسی کنٹرول روم قائم کردیا گیا ہے. یاسین شربلوچ نے کہا کہ کراچی ڈویژن کے تمام اضلاع میں ایس بی سی اے کےافسران و ملازمین کو الرٹ کردیا گیا ہے، شہری خطرناک عمارتوں کے قریب اپنی گاڑیاں کھڑی نہ کریں.
