رحیم یار خان/ لاہور (نمائندگان)پنجاب پولیس کا کچے میں ڈاکووں کے خلاف آپریشن 60 ویں روز میں داخل ہوگیا، دو ماہ کے دور ان آپریشن میں بارہ ڈاکو مارے گئے ۔ترجمان پنجاب پولیس کے مطابق 2 ماہ کے دوران آپریشن میں 12ڈاکو ہلاک اور 8 سے زائد زخمی ہوئے ہیں۔ترجمان پنجاب پولیس نے بتایا کہ آپریشن کے دوران کچے کے 26 ڈاکووں نے سرنڈر کیا اور 51 ڈاکو گرفتار کیے گئے ہیں۔ترجمان کے مطابق ڈاکووں سے مشین گنیں، راکٹ لانچرز، جی تھری،کلاشنکوف، سیکڑوں گولیاں برآمد کی گئی ہیں ،ڈاکووں کے درجنوں خفیہ ٹھکانے،کمین گاہیں اور مورچے گرادیے گئے ہیں۔
