نئی دہلی ( کے ایم ایس )
دہلی ہائی کورٹ نے ایک جھوٹے مقدمے میں جموں و کشمیر لبریشن فرنٹ کے چیئرمین محمد یاسین ملک کو سزائے موت دینے کی این آئی اے کی درخواست سماعت کے لئے منظور کرتے ہوئے 09 اگست کو اس کی سماعت مقرر کی ہے۔
محمد یاسین ملک کو جو اس وقت نئی دہلی کی تہاڑ جیل میں عمرقید کی سزا کاٹ رہے ہیں ، عدالت نے نوٹس جاری کر دیا ہے۔ دہلی ہائی کورٹ نے کشمیری رہنما کو سزائے موت دینے کی این آئی اے کی درخواست پر نوٹس جاری کیا ہے۔یاسین ملک این آئی اے کی اس درخواست کا جواب دیں گے جس میں کہا گیا ہے کہ یہ ایک "نایاب ترین کیس” ہے۔ ہائی کورٹ نے سزائے موت پر لاء کمیشن کی سفارشات بھی طلب کر لی ہیں۔
