کراچی (نمائندہ خصوصی) پاکستان تحریک انصاف کراچی نے کہا ہے کہ پیپلز پارٹی نے ناجائز ایڈمنسٹریٹر کو اب ناجائز میئر بنانے کا اعلان کر دیا ہے، ہم اس کی مذمت کرتے ہیں۔تفصیلات کے مطابق پی ٹی آئی کراچی نے پی پی کی جانب سے مرتضی وہاب کو میئر کراچی کے عہدے کے لیے نامزدگی پر رد دیتے ہوئے کہا ہے کہ یہ ناجائز ایڈمنسٹریٹر کو ناجائز میئر بنانا چاہتے ہیں۔پی ٹی آئی نے کہا کہ پہلے یہ بلدیاتی الیکشن سے بچتے اور بھاگتے پھر رہے تھے، جب زبردستی الیکشن کرائے گئے تو دھاندلی کی سب حدیں پار کر لی گئیں، الیکشن کمیشن کے ساتھ مل کر نتائج کو تبدیل کیا گیا۔پی ٹی آئی نے کہا اب پی ٹی آئی کے بلدیاتی نمائندوں کو بھی اغوا کیا جا رہا ہے، اور منتخب نمائندوں پر مقدمے کر کے وفاداریاں تبدیل کرائی جا رہی ہیں۔
